Ulttyq ǵylymi onkologiialyq ortalyq jasandy intellekt arqyly álemdegi jalǵyz sáýlelik terapiia tehnologiiasyn qoldanýda, dep habarlaidy Dalanews.kz QR Úkimetine silteme jasap.
Jańa ádis patsienttiń aǵzasyndaǵy jeke ózgeristerge kúndelikti beiimdele otyryp emdeýdi júrgizýge múmkindik beredi, bul sáýlelendirý dáldigin edáýir arttyrady jáne janama áserler qaýpin azaitady. Bul týraly ortalyqtyń meditsinalyq fizika bóliminiń basshysy Qaiyrgeldi Datbaev aityp berdi.
— Dári-dármekpen emdeý barysynda isikterdiń kólemi kenetten ózgerýi múmkin, al jambas músheleri, mysaly, qýyq nemese ishek, ár kún saiyn óz ornyn ózgertedi. Olardy birdei kúide ustap turý múmkin emes. Biz 2025 jylǵy naýryzdan bastap beiimdeletin sáýlelik terapiiany engizdik. Nátijelerine meditsinalyq personal da, biz, tehnikalyq personal da óte rizamyz, — dedi Qaiyrgeldi Datbaev.
