Qazaqstanda 2026 jyldyń qańtar-maýsym ailarynda birqatar negizgi metall túrlerin óndirý kólemi ótken jyldyń sáikes kezeńimen salystyrǵanda tómendedi. Bul týraly Ulttyq statistika biýrosy málimdedi, dep habarlaidy dalanews.kz.
Eń úlken tómendeý myrysh óndirisinde baiqaldy. Alty aidyń qorytyndysy boiynsha onyń kólemi 112,9 myń tonnany qurap, bir jyl ishinde 14,8%-ǵa azaiǵan.
Sondai-aq aliýminii óndirisi 14,1%-ǵa qysqaryp, 772 myń tonnaǵa deiin tómendedi. Al altyn óndirý kólemi 33,6 tonnany qurap, ótken jylmen salystyrǵanda 12,7%-ǵa kemigen.
Ózge metall túrleri boiynsha da tómendeý tirkeldi. Atap aitqanda, mys óndirisi 232 myń tonnaǵa jetip, 4,5%-ǵa azaidy. Ferroqorytpa shyǵarý kólemi 1,078 mln tonnany qurap, 3%-ǵa qysqarsa, kúmis óndirisi 306,6 tonna bolyp, 2,8%-ǵa tómendegen.
Al qara metallýrgiia salasynda kerisinshe azdaǵan ósim baiqaldy. Bolat óndirisi 0,4%-ǵa artyp, esepti kezeńde 2,2 mln tonnaǵa jetken.
