Qazaqstan muǵalimderdiń jalaqysyna qanaǵattaný deńgeii boiynsha álemdegi aldyńǵy bestikke kirdi, dep habarlaidy Dalanews.kz.
QR Oqý-aǵartý ministrliginiń alqa otyrysynda TALIS-2024 halyqaralyq zertteýiniń nátijeleri tanystyryldy. Zertteýge sáikes, Qazaqstanda pedagogterdiń 71 paiyzy jalaqysyna qanaǵattanatynyn aitqan. Bul kórsetkish 2018 jyly nebári 39 paiyz bolǵan. Al muǵalimderdiń 95 paiyzy óz jumysyna jalpy kóńili tolatynyn málimdegen.
Ministrlik ókilderiniń aitýynsha, mundai nátijege birqatar júieli sharalar áser etken. Atap aitqanda, «Pedagog mártebesi týraly» zańnyń qabyldanýy, muǵalimderge túsetin ákimshilik júktemeniń azaiýy, eńbek demalysynyń ulǵaiýy jáne jalaqynyń kezeń-kezeńimen ósýi bilim berý salasyndaǵy qysymdy tómendetip, mamandyqtyń bedelin arttyrǵan.
Sonymen qatar sońǵy jyldary magistr dárejesi bar pedagogterdiń úlesi úsh ese artqany aityldy. Ministrlik bul úrdis bilim sapasyn arttyrýǵa jáne muǵalim mamandyǵyn kásibi turǵyda nyǵaitýǵa yqpal etip otyrǵanyn atap ótti.
