Qazaqstanda memlekettik turǵyn úi kómegin alýshylarǵa baqylaý kúsheitiledi, dep habarlaidy dalanews.kz.
Buǵan baspanaǵa muqtaj azamattardyń tiziminde turyp, jyljymaityn múliktiń júzdegen nysanynan úlesi bar adamdardyń anyqtalýy sebep bolǵan.
«Otbasy bank» basshysy Azat Áshimovtiń aitýynsha, tekserý kezinde bir azamattyń 400 páterden úlesi bar ekeni anyqtalǵan. Soǵan qaramastan, ol baspanaǵa muqtaj azamattardyń tiziminde turǵan.
Osyǵan bailanysty zańnamaǵa ózgerister engizilgen. Endi jyljymaityn múliktegi úles azamattyń jalǵyz baspanasyna qatysty bolǵan jaǵdaida ǵana esepke alynady. Bilik ókilderiniń pikirinshe, jańa talaptar memlekettik qoldaýdy teris paidalanatyn adamdardy anyqtaýǵa jáne kómekti shynymen baspanaǵa muqtaj azamattarǵa baǵyttaýǵa múmkindik beredi.
