Almatydaǵy Respýblikalyq fizika-matematika mektebiniń aýrýhanaǵa túsken 58 oqýshysy tolyq emdelip, úilerine shyǵaryldy, dep habarlaidy dalanews.kz.
Qalalyq qoǵamdyq densaýlyq saqtaý basqarmasynyń habarlaýynsha, balalar 12 qazannan bastap Balalar qalalyq klinikalyq juqpaly aýrýlar aýrýhanasyna jetkizilgen. Dárigerler olarǵa qajetti meditsinalyq kómek kórsetip, bekitilgen talaptarǵa sáikes em júrgizgen.
"Qazir aýrýhanaǵa jatqyzylǵan balalardyń barlyǵy úilerine shyǵaryldy", – dep málimdedi basqarma.
Oqiǵa týraly 14 qazanda belgili boldy. Alǵashqy málimette 50-ge jýyq oqýshynyń aýrýhanaǵa túskeni aitylǵan edi. Keiin olardyń jalpy sany 58 bala ekeni naqtylandy.
Ázirge oqýshylardyń neden aýyrǵany jáne olarǵa naqty qandai diagnoz qoiylǵany habarlanǵan joq.
