Qazaqstanda memlekettik qyzmet salasyndaǵy Adami resýrstardy basqarý institýty quryldy
Memlekettik qyzmet isteri agenttiginiń tóraǵasy Darhan Jazyqbai Agenttiktiń 2023 jylǵy jyl qorytyndysy boiynsha alqa otyrysynda Prezidenttiń tapsyrmalaryn oryndaý sharalary týraly aitty. Agenttikpen osy baǵytta tiisti daiyndyq jumystary júrgizilip, ótken jyly QR Prezidenti janyndaǵy Memlekettik basqarý akademiiasynyń qurylymynda Adami resýrstardy basqarý institýty qurylǵanyn atap ótti.
Atalǵan Iinstitýt quzyrettilikti baǵalaý, HR-analitika, talant menedjment, testileý, aqparattyq júieni súiemeldeý tárizdi bes baǵyt boiynsha jumys atqaratyn bolady.
Institýt jumysy 2024 jyly tolyǵymen jandanyp, damý josparyna sáikes tómendegidei kórsetkishterge qol jetkizý kózdelip otyr:
- baǵalaý nátijeleriniń derekteri, E-Kyzmet júiesinde júrgizilgen testileý, oqytý, memlekettik qyzmetshilerdi qaita daiarlaý jáne basqa da qolda bar derekterge analitikalyq taldaý júrgizý;
- ýákiletti organdarǵa memlekettik qyzmettegi kadrlyq resýrstardyń sapasyn arttyrý boiynsha usynystar ázirleý;
- memlekettik qyzmettegi talanttardy basqarýdyń ádistemelik tásilderin ázirleý;
- testileý arqyly úmitkerlerdi baǵalaýdyń ádis-tásilderin jetildirý;
- memlekettik qyzmetke turýǵa ótinish bergen úmitkerlerdi baǵalaý úshin tiisti testter bazasyn tolyqtyrý, jáne úmitkerlerdi testileýden ótkizý;
- aǵymdaǵy aqparattyq júieni «e-Qyzmet» júiesine integratsiialaý.
QR MQIA Baspasóz qyzmeti
