Qazaqstanda memlekettik kásiporyn basshylaryn irikteýge arnalǵan jańa servis iske qosylady, dep habarlaidy Dalanews.kz.
e-Qazyna.kz tsifrlyq platformasynda Talapker servisi paida boldy, ol memlekettik kásiporyn basshylaryn irikteý protsesin avtomattandyrady. Endi barlyq irikteý tek elektrondyq formatta ótedi.
“Jańa júie ótinim berý protsesin jeńildetip, adam faktorynyń áserin azaitady, osylaisha sybailas jemqorlyq táýekelderin tómendetedi. Kandidattar endi qujattardy qaǵaz júzinde emes, onlain tapsyra alady, al komissiia ótinimderdi elektrondy túrde qarap, irikteý júrgizedi. Barlyq protsess – túiindemeni jiberýden bastap, túpkilikti sheshimge deiin – platformada ótedi, bul ýaqyt pen ákimshilik shyǵyndardy azaitady”, – delingen habarlamada.
Talapker servisi konkýrsqa eldiń kez kelgen óńirinen qatysýǵa múmkindik berip, sýbektivtilikti boldyrmaidy jáne ashyqtyqty arttyrady. Memlekettik derekter bazasymen jáne kadrlyq júielermen integratsiialanýynyń arqasynda kandidattar týraly málimetter jyldam tekserilip, kadrlyq rezervti basqarýǵa arnalǵan analitika qalyptastyrylady.
Qazirgi ýaqytta Qazaqstanda 5344 kásiporyn kommýnaldyq menshikke, al 171 kásiporyn respýblikalyq menshikke tiesili. Olardyń basym bóliginiń basshylary endi Talapker servisi arqyly irikteletin bolady.
