2026 jylǵy 1 qańtardan bastap Qazaqstanda meditsinalyq kómektiń biryńǵai paketin kezeń-kezeńimen engizý bastalady, dep habarlaidy Dalanews.kz.
Jańa júie TMKKK men MÁMS qyzmetterin naqty ajyratýǵa, aýrýlardy erte anyqtaýdy kúsheitýge jáne densaýlyq saqtaý júiesiniń qarjylyq turaqtylyǵyn arttyrýǵa baǵyttalǵan.
Mańyzdy jańalyq – skriningter barlyq azamattarǵa qoljetimdi bolady. 2026 jylǵy 1 qańtardan bastap onkologiialyq aýrýlar, arteriialyq gipertenziia, júrektiń ishemiialyq aýrýy, glaýkoma jáne qant diabetin erte anyqtaýǵa arnalǵan tekserýler MÁMS mártebesine qaramastan júrgiziledi.
Sondai-aq TMKKK aiasynda 11 áleýmettik máni bar aýrýǵa kúdik týǵan jaǵdaida tegin diagnostika engiziledi. Olardyń qatarynda qaterli isikter, týberkýlez, gepatit, psihikalyq buzylystar, insýlt, infarkt jáne basqa da aýyr dertter bar. Qazir mundai diagnostika tek týberkýlez ben AITV boiynsha ǵana qoljetimdi.
2026 jyldan bastap MÁMS júiesi qosymsha 1 mln áleýmettik osal azamatty qamtidy. Bul sanattaǵy azamattar úshin jarnalardy jergilikti biýdjetter tóleitin bolady.
Sonymen qatar MÁMS jarnalaryn turaqty tólegen azamattar úshin jeńildikti kezeń 3 aidan 6 aiǵa deiin uzartylmaq.
Densaýlyq saqtaý ministrliginiń málimetinshe, búginde el halqynyń 82,6 paiyzy nemese 16,9 mln adam MÁMS júiesinde saqtandyrylǵan. Jańa ózgerister meditsinalyq kómektiń qoljetimdiligin arttyryp, profilaktikalyq baǵytty kúsheitýge múmkindik beredi.
