Májilis depýtaty Vera Kim meditsinalyq qaldyqtar – infektsiialardyń jáne ýly lastaýshy zattardyń yqtimal qaýipti kózderi – óreskel zańbuzýshylyqtarmen joiylyp jatqanyn málimdedi, dep habarlaidy Dalanews.kz.
"Meditsinalyq qaldyqtardy basqarý júiesiniń qazirgi jaǵdaiyna qatty alańdaýshylyq bildiremiz. Júrgizilgen taldaý birqatar júieli máselelerdi anyqtady. Birinshiden, tiimdi baqylaýdyń jáne qajetti infraqurylymnyń joqtyǵy. Meditsinalyq qaldyqtar, infektsiialardyń jáne ýly lastaýshy zattardyń yqtimal qaýipti kózderi retinde, óreskel zańbuzýshylyqtarmen joiylýda. Qaldyqtardyń qoqys poligondarynda jinaqtalýy, súzgileýsiz órtelýi, tiisti esepke alynbai tasymaldanýy men saqtalýy, sondai-aq olardyń turǵyn úilerge jaqyn jerlerde jáne zańsyz qoqys oryndarynda tabylýy siiaqty faktiler anyqtalýda", – dedi Kim Májilistiń sársenbi kúngi otyrysynda depýtattyq saýalyn jariialaý barysynda.
Depýtattyń aitýynsha, ekinshi másele – meditsinalyq qaldyqtardy baqylaýsyz órteý, bul atmosferaǵa joǵary ýytty jáne kantserogendi qasietteri bar dioksinder, fýrandar jáne aýyr metaldardyń taralýyna ákeledi.
"Baqylaýdyń jetkiliksizdigi men retteýdegi olqylyqtar meditsinalyq qaldyqtardy kádege jaratýdyń biryńǵai ári qaýipsiz júiesiniń joqtyǵyna alyp keldi. Tekserýlerge salynǵan moratorii jaýapsyz kompaniialarǵa qaldyqtardy zańsyz jinaýǵa múmkindik berdi. Memlekettik tapsyrysty alǵan keibir merdigerler ýtilizatsiia normalaryn buzý arqyly shyǵyndaryn azaitýda", – dedi májilismen.
Depýtat aýyldyq jerlerde meditsinalyq qaldyqtardy joiý máselesi erekshe problema ekenin atap ótti. Onyń pikirinshe, baqylaýdyń bytyrańqylyǵy bul protsesti odan ári qiyndatady.
Kóterilgen máselelerdi sheshý úshin meditsinalyq qaldyqtardy óńdeýdiń ár kezeńin – meditsinalyq mekemeden ýtilizatsiiaǵa deiin qadaǵalaýǵa múmkindik beretin japondyq elektrondy manifestke uqsas tsifrlyq monitoring júiesin ázirleý jáne engizý usynylady.
Sonymen qatar:
• Ýtilizatsiia nysandarynyń sanyn kóbeitip, sapasyn jaqsartý, ásirese aýyldyq aimaqtarda;
• Meditsinalyq qaldyqtardy ortalyqtandyrylǵan túrde tasymaldaý úshin jaýapty operatorlardy taǵaiyndaý;
• Feldsherlik-akýsherlik pýnktter men ambýlatoriialardan qaldyqtardy jinaýdyń naqty kestesin ázirleý qajet.
Májilis depýtaty memleket bul tasymaldaý reisterin sýbsidiialaýy tiis ekenin, osylaisha kompaniialardy shalǵai óńirlerde jumys isteýge yntalandyrýǵa bolatynyn atap ótti.
