Qazaqstanda legionerlerdi memlekettik biýdjet esebinen qarjylandyrýǵa tyiym salyndy, dep habarlaidy Dalanews.kz.
Senat dene shynyqtyrý jáne sport týraly zańǵa túzetýlerdi maquldady. Jańa normalar sporttyń basym baǵyttaryn damytýǵa bólinetin biýdjet qarajatyn tiimdi paidalanýǵa baǵyttalǵan. Bul saladaǵy saiasat Olimpiada, Paralimpiada, Sýrdlimpiada, Aziia jáne Para Aziia oiyndarynda joǵary nátijelerge qol jetkizýge beiimdeldi.
- Ulttyq sport federatsiialary aimaqtyq federatsiialarǵa qaraǵanda basymdyqqa ie bolady.
- Kásibi klýbtarǵa bólinetin qarjyǵa shekteý qoiylyp, buqaralyq jáne balalar-jasóspirimder sportyna basymdyq beriledi.
- Jergilikti bilik dene shynyqtyrý jáne sport salasyndaǵy qyzmetterdiń baǵasyn rettei alady.
- Sporttyq meditsinany damytý jáne sportshylardy daiarlaý standarttaryn kúsheitý sharalary qolǵa alynady.
- Sport salasyndaǵy memlekettik uiym basshylaryn aýystyrý júiesi engiziledi.
- Sheteldik sportshylardy memlekettik biýdjet esebinen qarjylandyrýǵa tyiym salynady.
