قازاقستاندا لەگيونەرلەردى مەملەكەتتىك بيۋدجەت ەسەبىنەن قارجىلاندىرۋعا تىيىم سالىندى، دەپ حابارلايدى Dalanews.kz.
سەنات دەنە شىنىقتىرۋ جانە سپورت تۋرالى زاڭعا تۇزەتۋلەردى ماقۇلدادى. جاڭا نورمالار سپورتتىڭ باسىم باعىتتارىن دامىتۋعا بولىنەتىن بيۋدجەت قاراجاتىن ءتيىمدى پايدالانۋعا باعىتتالعان. بۇل سالاداعى ساياسات وليمپيادا، پاراليمپيادا، سۋردليمپيادا، ازيا جانە پارا ازيا ويىندارىندا جوعارى ناتيجەلەرگە قول جەتكىزۋگە بەيىمدەلدى.
- ۇلتتىق سپورت فەدەراسيالارى ايماقتىق فەدەراسيالارعا قاراعاندا باسىمدىققا يە بولادى.
- كاسىبي كلۋبتارعا بولىنەتىن قارجىعا شەكتەۋ قويىلىپ، بۇقارالىق جانە بالالار-جاسوسپىرىمدەر سپورتىنا باسىمدىق بەرىلەدى.
- جەرگىلىكتى بيلىك دەنە شىنىقتىرۋ جانە سپورت سالاسىنداعى قىزمەتتەردىڭ باعاسىن رەتتەي الادى.
- سپورتتىق مەديسينانى دامىتۋ جانە سپورتشىلاردى دايارلاۋ ستاندارتتارىن كۇشەيتۋ شارالارى قولعا الىنادى.
- سپورت سالاسىنداعى مەملەكەتتىك ۇيىم باسشىلارىن اۋىستىرۋ جۇيەسى ەنگىزىلەدى.
- شەتەلدىك سپورتشىلاردى مەملەكەتتىك بيۋدجەت ەسەبىنەن قارجىلاندىرۋعا تىيىم سالىنادى.
