Qazaqstanda kómirdi qaita óńdeýge baǵyttalǵan úsh jańa zaýyt salý josparlanyp otyr, dep habarlaidy Dalanews.kz.
Bul týraly Energetika ministri Erlan Aqkenjenov málimdedi.
Onyń aitýynsha, Qaraǵandy jáne Pavlodar oblystarynda metallýrgiialyq koks pen kómirden dizel otynyn óndiretin kásiporyndar boi kóteredi. Al Abai oblysynda ammiak pen karbamid shyǵaratyn zaýyt salý kózdelgen.
Jalpy quny 260 million dollardan asatyn bul jobalar myńdaǵan jańa jumys ornyn ashýǵa múmkindik beredi. Sonymen qatar, bastamalar elimizdegi kómir-himiia salasyn damytýǵa serpin bermek.
