Qazaqstanda kómir baǵasynyń ósýi jalǵasyp jatyr. Biylǵy qańtar–tamyz ailarynyń qorytyndysy boiynsha qatty otynnyń quny ótken jyldyń sáikes kezeńimen salystyrǵanda 7,9%-ǵa artqan, dep habarlaidy dalanews.kz.
Energyprom.kz sarapshylarynyń málimetinshe, kómir baǵasynyń qazirgi ósimi sońǵy jyldardaǵy qalyptasqan úrdisten asa erekshelenbeidi. Máselen, ótken jyldyń alǵashqy segiz aiynda kómir baǵasy 8,3%-ǵa qymbattaǵan bolatyn.
Jalpy, Qazaqstanda kómir qunynyń turaqty ósýi 2022 jyldan beri baiqalyp keledi. Keibir kezeńderde baǵanyń ósý qarqyny qazirgi kórsetkishten de joǵary bolǵan.
Óńirlerdegi jaǵdai árkelki
2025 jyldyń qorytyndysy boiynsha eldegi 20 óńirdiń 12-sinde kómir baǵasynyń ósimi respýblikalyq ortasha deńgeiden asyp túsken. Sol jyly Qazaqstan boiynsha kómir baǵasy orta eseppen 8,5%-ǵa kóterilgen.
Kómir eń kóp qymbattaǵan aimaqtar
Baǵanyń eń joǵary ósimi Aqtóbe oblysynda tirkelip, kómir quny bir jylda 23,2%-ǵa artqan. Odan keiin Abai oblysy (14,4%) men Jambyl oblysy (13,4%) tur. Sonymen qatar eki óńir boiynsha kómir baǵasyna qatysty statistikalyq málimetter jariialanbaǵan.
