Qazaqstanda avtokólikterge zań talaptaryna sai kelmeitin sertifikattar bergen jeti zerthananyń jumysy toqtatyldy. Bul týraly Saýda jáne integratsiia ministri Arman Shaqqaliev málimdedi, dep habarlaidy dalanews.kz.
Ministrdiń aitýynsha, keibir zerthanalar kólikterdi tolyq tehnikalyq tekserýden ótkizbei-aq sertifikat bergen. Tipti keibir jaǵdaida qajet synaqtar júrgizilmei, qujattar tek formaldy derekterdiń negizinde rásimdelgen.
"Biz jeti zerthananyń jumysyn toqtattyq. Olar kólikterdi tolyq synaqtan ótkizbegen nemese tek qaǵaz júzindegi málimetterge súienip sertifikat bergen. Mundai zańsyzdyqtarǵa jol bergen mekemelerge qatysty sharalar ári qarai da jalǵasady", - dedi Arman Shaqqaliev.
Onyń sózinshe, qabyldanyp jatqan ózgeristerdiń negizgi maqsaty – Qazaqstandaǵy sertifikattaý talaptaryn Eýraziialyq ekonomikalyq odaqtyń ortaq standarttaryna sáikestendirý jáne tehnikalyq tekserýden ótpegen kólikterdiń jolǵa shyǵýyna jol bermeý.
Sondai-aq ministr aldaǵy ýaqytta eski, qaita jabdyqtalǵan jáne qaýipsizdik talaptaryna sáikes kelmeitin kólikterdiń Qazaqstanǵa ákelinýine baqylaý kúsheitiletinin aitty.
"Úkimettiń basty mindeti - jol qaýipsizdigin qamtamasyz etý. Qazaqstan tehnikalyq talapqa sai kelmeitin kólikterdiń jinalatyn ornyna ainalmaýy tiis", - dedi ministr.
Arman Shaqqaliev jańa talaptardyń otandyq avtozaýyttar men resmi dilerlerdiń múddesin qorǵaýǵa baǵyttalǵany týraly pikirdi joqqa shyǵardy.
