Óńirler arasynda avtomobil jasaý salasynda kólik shyǵarý kóleminiń jartysynan astamy Allur («SaryArqaAvtoprom») avtozaýyty ornalasqan Qostanai oblysyna ǵana tiesili boldy: 633,8 mlrd teńge. Sonymen qatar, ondaǵy avtoónerkásiptiń úlesi mashina jasaýdyń 84,7%-yna jáne óńirdegi óńdeý ónerkásibiniń barlyq kóleminiń birden 46,2%-yna jetti, iaǵni, avtomobil indýstriiasy — oblys ekonomikasynyń jetekshi jáne aiqyndaýshy draiveri.
Óndiris kólemi boiynsha kelesi orynǵa Hyundai Trans Kazakhstan jáne Hyundai Trans Auto avtozaýyttarymen Almaty qalasy jaiǵasty: 359 mlrd teńge. Al avtoónerkásiptiń úlesi qaladaǵy mashina jasaýdyń 69,9%-yn, al óńdeý ónerkásibiniń 29,4%-yn qurady.
Qalǵan óńirlerge avtomobilder, tirkemeler men jartylai tirkemeler óndirisiniń jalpy kóleminiń 17,3%-y tiesili: 208,3 mlrd teńge.
Aǵymdaǵy jyldyń úsh toqsanynda 92,2 myń avtokólik quraly óndirildi, bul 2023 jyldyń dál osyndai kezeńimen salystyrǵanda, 15,8%-ǵa az.
Barlyq óndiristiń 90%-yn dástúrli túrde jeńil jolaýshylar avtomobilderi qurady: 82,9 myń kólik. Júk avtomobilderi 5,9 myń birlikti, avtobýstar 1,8 myń birlikti, tirkemeler men jartylai tirkemeler 1,2 myń birlikti qurady. Sondai-aq 386 arnaiy jáne mamandandyrylǵan avtomobilder shyǵaryldy.
Profildik Qazaqstan avtomobil qaýymdastyǵynyń derekterine sáikes 2024 jyldyń qańtar–qazan ailary aralyǵynda elimizde 104,9 myń avtokólik quraly óndirildi, onyń 62,9%-y Qostanaidaǵy bir ǵana avtomobil zaýyty Allur-ge tiesili. Salystyryp qarasaq, ótken jyldyń dál osyndai kezeńinde Allur úlesi 61%-dy qurady, al 2019 jyldyń qorytyndysy boiynsha búkil avtoónerkásip salasynyń jartysynan kóp paiyzdy, 2016 jyly 22%-dy qurady.
Kelesi oryndarda — naryqtaǵy úles salmaǵy 30,5%-ben Hyundai Trans Kazakhstan jáne 3,6% úlespen SemAZ. Qalǵan avtozaýyttardyń óndirisi avtokólik quraldarynyń barlyq óndirisiniń tek 3%-yn ǵana qurady.
Qazaqstanda jańa jeńil jáne kommertsiialyq avtomobilderdiń satylymy aǵymdaǵy jyldyń qazan aiynyń qorytyndysy boiynsha 21,5 myń birlikke jetti, bul ótken aimen salystyrǵanda, 20,1%-ǵa jáne 2023 jyldyń qazan aiymen salystyrǵanda, 18,3%-ǵa artyq. Aita keterligi, qazan aiyndaǵy satý kólemi biylǵy jyldyń eń úlken satý kólemi boldy.
Distribiýtorlar turǵysynan, qazan aiynda jańa avtomobilderdiń jartysynan kóbi tek Allur-da satyldy: 50,7% nemese 10,9 myń avtokólik, bul — 2024 jyly QR dilerleri arasynda absoliýtti mán boiynsha, sondai-aq naryqtaǵy úles salmaǵy boiynsha da ai saiynǵy satylym boiynsha rekordtyq kórsetkish. Kelesi orynǵa Astana Motors ornalasty: 31,9% nemese 6,9 myń jańa avtomobil satyldy. Basqa distribiýtorlar jalpy naryqtyń 17,4%-yn qurady.
Aǵymdaǵy jyldyń qazan aiynda satylymy boiynsha avtomobil brendteriniń arasynda Chevrolet kósh bastap tur: 6,3 myń avtomobil. Odan keiin — Hyundai (3 myń), Kia (2,4 myń), Chery (1,4 myń) jáne Haval (1,3 myń).
Al modelder boiynsha qazan aiynda Chevrolet Cobalt absoliýtti kóshbasshy boldy: birden 5,9 myń kólik satyldy, bul — bir aida bir modeldi satý boiynsha rekordtyq kórsetkish. Odan keiin — Hyundai Tucson (1,3 myń) jáne Kia Sorento (746).
Aǵymdaǵy jyldyń qańtar–qazan ailary aralyǵynda Qazaqstanda 158,6 myń jańa avtomobil satyldy, bul 2023 jyldyń dál osyndai kezeńimen salystyrǵanda, 1,5%-ǵa kóp. Brendter turǵysynan, eń kóp satylǵan brend Hyundai boldy: 34,2 myń kólik. Odan keiingi orynda Chevrolet (22 myń) jáne Kia (19,5 myń) tur.
Modelder turǵysynan, satylǵan jańa avtomobilderdiń sany boiynsha taǵy da Chevrolet Cobalt kósh bastap tur: 18,2 myń avtomobil. Odan keiingi oryndarǵa Hyundai Tucson jáne Kia Sportage ornalasty: 17,4 myń jáne 7,8 myń.
