Qazaqstanda shyǵarylǵan avtokólikterdiń baǵasy tómendep keledi. Bul týraly Ónerkásip jáne qurylys ministri Ersaiyn Naǵaspaev Úkimettegi brifingte málimdedi, dep habarlaidy dalanews.kz.
Ministrdiń aitýynsha, otandyq avtokólikter baǵasynyń tómendeýi oń úrdis sanalady.
– Kólik baǵasy tómendep jatyr. Bul – jaqsy úrdis. Biz Qazaqstanda óndirilgen avtokólikter baǵasynyń dinamikasyn arnaiy zerttedik. Ótken jyldyń qorytyndysy boiynsha olardyń baǵasy shamamen 5 paiyzǵa arzandady, – dedi Ersaiyn Naǵaspaev.
Sonymen qatar ministr shetelde óndirilgen avtokólikterdiń baǵasy kerisinshe azdap qymbattaǵanyn aitty.
Onyń sózinshe, bul úrdis ishki naryqtaǵy otandyq avtokólik óndirisiniń básekege qabilettiliginiń artyp kele jatqanyn kórsetedi.
