Ortalyq Aziianyń úsh eliniń azamattary Qazaqstanda úsh jyl ishinde 136 mlrd teńge tabys taýyp, óz eline trillion teńge aýdarǵan, dep habarlaidy Dalanews.kz Joǵary aýditorlyq palataǵa silteme jasap.
Aýditorlarda baqylanbaityn ekonomikany aiqyndaý ádistemelerine qatysty da suraqtar týyndady. Mysaly, qolma-qol aqshasyz ainalym koeffitsienti qoldanylady. Bul – jeke tulǵalardyń taýarlar men kórsetiletin qyzmetter úshin qolma-qol aqshasyz tólemderiniń JIÓ-ge qatynasy. Mundai tólemderdiń úlesi jyl saiyn ósip keledi, bul kóleńkeli ekonomika deńgeiin avtomatty túrde «tómendetedi». Sondyqtan bul koeffitsienttiń oryndylyǵy kúmán týdyrady.
Sondai-aq esepteý sanattarynyń biri boiynsha turǵyn úidi jalǵa alý salasyn da qamtityn «Jyljymaityn múlikpen jasalatyn operatsiialar» jáne «Óner, oiyn-saýyq jáne demalys» jikteýishteri esepke alynbaidy. Al basqa sanatta shaǵyn saýda kásiporyndary jónindegi derekter tutas emes, irikteme ádis arqyly jinala bastady, bul baqylanbaityn ekonomikany qamtýdyń tómendeýine ákeldi.
Júrgizilgen taldaý negizinde memlekettik aýdit kóleńkeli ainalymǵa beiim turǵan táýekeli joǵary birqatar sala men baǵytty anyqtady.
Mysaly, Memlekettik kirister komitetiniń derekteri boiynsha Ortalyq Aziianyń úsh eliniń azamattary Qazaqstanda úsh jyl ishinde 136 mlrd teńge tabys tapqan. Alaida Ulttyq Banktiń aqparaty boiynsha osy ýaqyt ishinde olar óz elderine jalpy 1 trln teńge aýdarǵan.
Iaǵni, «kóleńkeli» taýarlar nemese kórsetiletin qyzmetter bolý yqtimaldyǵy joǵary.
