Qazaqstanda júk kóligi men teplovoz soqtyǵysyp, poiyzdar keshikti, - dep habarlaidy Dalanews.kz
Qyzylsai-Shymkent ótkelinde júk kóligi teplovozben soqtyǵysty. Jol apaty poiyzdardyń júrý kestesine áser etken.
Oqiǵa 8 tamyzda saǵat 04:30-da bolǵan. HOWO kóligi teplovozben soqtyǵysqan. Aldyn ala málimetter boiynsha júk kóliginiń júrgizýshisi jaqyndap kele jatqan jyljymaly quram aldynda ótkelge shyǵyp, jol erejesin buzǵan.
"Qaza tapqandar joq, júrgizýshi aýrýhanaǵa jetkizildi. Jol apaty qozǵalys kestesine áser etti, úsh jolaýshylar poiyzynyń qozǵalysy ýaqytsha toqtatyldy. 07:18-de ýchaskedegi qozǵalys tolyqtai qalpyna keltirildi", - dep jazylǵan habarlamada.
"QTJ" UK" AQ júrgizýshilerdi jol qozǵalysy erejelerin qatań saqtaýǵa jáne temirjol ótkelderin kesip ótý kezinde asa saq bolýǵa shaqyrdy.
