قازاقستاندا جۇك كولىگى مەن تەپلوۆوز سوقتىعىسىپ، پويىزدار كەشىكتى، - دەپ حابارلايدى Dalanews.kz
قىزىلساي-شىمكەنت وتكەلىندە جۇك كولىگى تەپلوۆوزبەن سوقتىعىستى. جول اپاتى پويىزداردىڭ ءجۇرۋ كەستەسىنە اسەر ەتكەن.
وقيعا 8 تامىزدا ساعات 04:30-دا بولعان. HOWO كولىگى تەپلوۆوزبەن سوقتىعىسقان. الدىن الا مالىمەتتەر بويىنشا جۇك كولىگىنىڭ جۇرگىزۋشىسى جاقىنداپ كەلە جاتقان جىلجىمالى قۇرام الدىندا وتكەلگە شىعىپ، جول ەرەجەسىن بۇزعان.
"قازا تاپقاندار جوق، جۇرگىزۋشى اۋرۋحاناعا جەتكىزىلدى. جول اپاتى قوزعالىس كەستەسىنە اسەر ەتتى، ءۇش جولاۋشىلار پويىزىنىڭ قوزعالىسى ۋاقىتشا توقتاتىلدى. 07:18-دە ۋچاسكەدەگى قوزعالىس تولىقتاي قالپىنا كەلتىرىلدى"، - دەپ جازىلعان حابارلامادا.
"قتج" ۇك" اق جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا جانە تەمىرجول وتكەلدەرىن كەسىپ ءوتۋ كەزىندە اسا ساق بولۋعا شاقىردى.
