Qazaqstanda jańa deklarasıa úlgisi engiziledi, dep habarlaıdy Dalanews.kz.
Memlekettik kirister komıteti málimetinshe, 2024 jyldyń 1 qańtarynan bastap kirister men múlik týraly deklarasıada kórsetiletin málimetterdiń tizimi qysqartylǵan.
"Tólem kózinen salyq salynatyn kiristerdi (jalaqy, depozıtter boıynsha syıaqylar, zeınetaqy tólemderi jáne basqalary) jáne Qazaqstan Respýblıkasynda tirkelgen múlikti satyp alý jáne (nemese) ıelikten shyǵarý jáne (nemese) óteýsiz alý týraly aqparatty kórsetý qajettiligi alyp tastaldy", - dep habarlady MKK.
Sonymen qatar kirister men múlik týraly deklarasıada (270.00-úlgi) múlikti satyp alý boıynsha shyǵystardy jabý kózderi týraly málimetterdi kórsetý mindeti "Sybaılas jemqorlyqqa qarsy is-qımyl týraly" Qazaqstan Respýblıkasynyń Zańynda kórsetilgen jeke tulǵalarǵa ǵana júkteledi, atap aıtqanda:
- jaýapty memlekettik laýazymdardy atqaratyn tulǵalar jáne olardyń jubaılary;
- memlekettik fýnksıalardy oryndaýǵa ýákilettik berilgen adamdar jáne olardyń jubaılary;
- laýazymdy tulǵalar men olardyń jubaılary;
- memlekettik fýnksıalardy oryndaýǵa ýákilettik berilgen adamdarǵa teńestirilgen adamdar jáne olardyń jubaılary.
"Qazirgi ýaqytta kirister men múlik týraly deklarasıaǵa (270.00-úlgi) jáne ony jasaý qaǵıdalaryna ózgerister engizilip jatyr, bekitilgennen keıin 270.00-úlgi Memlekettik kirister komıtetiniń aqparattyq júıelerine engiziledi. Bul rette, kirister men múlik týraly deklarasıany tapsyrý merziminiń aıaqtalýyna baılanysty, aǵymdaǵy 270.00-úlgi boıynsha mindettemeńizdi oryndaýǵa quqyǵyńyz bar", - dep tolyqtyrdy Memlekettik kirister komıteti.
Bilý mańyzdy: eger 2024 jyly "qabyldandy" jáne "ornalastyryldy" mártebesi bar kirister men múlik týraly jaramdy deklarasıa (270.00-úlgi) usynylsa, 270.00-úlgi boıynsha deklarasıany qaıta tapsyrýdyń qajeti joq.
