Shyǵys Qazaqstan oblysy Samar aýdanynyń Jer qatynastary bóliminiń basshysy memlekettik organdarǵa jalǵan aqparat bergeni úshin jazalandy, dep habarlaıdy Dalanews.kz.

Aýdan ákimi apparatynyń saıtynda aýdany 180,34 gektar bos shabyndyq alqaptardyń jáne aýdany 30,62 gektar jaıylymdardyń bolýy týraly anyq emes, tómendetilgen málimetter kórsetilgen, al SHQO boıynsha "Azamattarǵa arnalǵan úkimet" memlekettik korporasıasy KEAQ fılıalynyń málimetterine sáıkes suralǵan ýchaskeniń shabyndyq alańy 193,4 gektar, jaıylymdar 30,0 gektar bolyp shyqqan.

Osy fakti boıynsha aýdan prokýratýrasy laýazymdy tulǵaǵa qatysty Ákimshilik quqyq buzýshylyq týraly kodekstiń 456-2-babynyń 1-bóligi boıynsha ákimshilik quqyq buzýshylyq týraly is qozǵady (memlekettik organnyń jalǵan aqparat taratýy).

Samar aýdany sotynyń qaýlysymen jer qatynastary bóliminiń basshysy atalǵan ákimshilik quqyq buzýshylyq jasaǵany úshin kináli dep tanyldy. Oǵan 117 960 teńge kóleminde aıyppul túrinde jaza taǵaıyndaldy.

Sot aktisi zańdy kúshine endi.