Qazaqstanda ishki áýe reisterine biometriialyq júie engizý josparlanyp otyr. Bul týraly kólik ministri Nurlan Saýranbaev málimdedi, dep habarlaidy dalanews.kz.
Ministrdiń aitýynsha, pilottyq joba alǵash ret Astana – Shymkent baǵyty boiynsha iske qosylady.
Áýejaidaǵy tekserý ýaqyty qysqarady
Qazirgi tańda Astana men Almaty áýejailarynda Q-Gate júiesiniń 16 terminaly jumys istep tur. Ministrliktiń málimetinshe, bul júie jolaýshylardyń tekserýden ótý ýaqytyn úsh minýttan 50 sekýndqa deiin qysqartýǵa múmkindik beredi.
Taǵy tórt qalaǵa ornatylady
Biyl dál osyndai taǵy 16 terminaldy Shymkent, Atyraý, Aqtóbe jáne Aqtaý áýejailaryna ornatý josparlanǵan. Bilik ókilderiniń aitýynsha, biometriialyq júie jolaýshylardy tirkeý men baqylaý protsesin jyldamdatyp, áýejaidaǵy kezekti azaitýǵa kómektesedi.
