Qazaqstannyń Saýda jáne integratsiia ministrligi elektrondyq saýda alańdarynda ornalastyrýǵa jáne satýǵa tyiym salynǵan nemese shekteý qoiylǵan taýarlardyń biryńǵai tizimin bekitti, dep habarlaidy dalanews.kz.
Vedomstvonyń málimetinshe, bul tizim marketpleisterde taýarlardy moderatsiialaý protsesin jeńildetýge jáne elektrondyq saýdaǵa qatysýshylardyń zań talaptaryn saqtaýyna kómektesedi.
Tizimge ne engizildi?
Ministrlik habarlaýynsha, qujatta Qazaqstan Respýblikasynyń zańnamasyna sáikes ainalymyna nemese satylýyna tyiym salynǵan, sondai-aq shekteý qoiylǵan taýarlar týraly aqparat jinaqtalǵan. Bul talaptar elektrondyq saýda arqyly satylatyn ónimderge de qatysty.
Bul ne úshin qajet?
Jańa tizim elektrondyq saýda alańdarynyń ielerine, internet-dúkenderge, satýshylarǵa jáne elektrondyq kommertsiianyń basqa da qatysýshylaryna qoldanystaǵy shekteýler týraly ózekti aqparatty jedel alýǵa múmkindik beredi.
Osylaisha, kásipkerler taýarlardy ornalastyrý jáne satý kezinde zań talaptaryn eskerip, quqyq buzýshylyqtardyń aldyn ala alady.
Jańa tyiymdar engizilmeidi
Saýda jáne integratsiia ministrligi bul qujattyń jańa shekteýler engizbeitinin erekshe atap ótti.
Vedomstvonyń túsindirýinshe, bekitilgen tizim tek qoldanystaǵy zańnamada burynnan bar tyiymdar men shekteýlerdi bir qujatqa biriktirip otyr. Sondyqtan bul ózgeris jańa talap emes, qoldanystaǵy normalardy júieleýge baǵyttalǵan.
