Qazaqstanda gazben júretin kólikterdiń sany bir jylda 36 paiyzǵa ósken. Bul týraly Ulttyq statistika biýrosynyń derekterinde aitylǵan, dep habarlaidy Dalanews.kz.
1 maýsymdaǵy jaǵdai boiynsha elde 6,3 mln avtokólik tirkelgen. Onyń 86,5%-y – jeńil kólikter, 9,7%-y – júk kólikteri, 1,9%-y – avtobýstar, 1,9%-y – mototsiklder. Kólikterdiń 82%-y benzinmen, 7%-y aralas otynmen jáne dizelmen, al 0,3%-y suiytylǵan gaz ben elektr qýatymen júredi.
«Ótken jyldyń mamyrymen salystyrǵanda benzinmen júretin kólikter sany 15,3%-ǵa, dizelmen – 13,9%-ǵa, gazben – 36,2%-ǵa, aralas otynmen – 9,3%-ǵa ósti. Elektromobilder sany bir jylda 66,9%-ǵa artty», – dep málimdedi biýro.
Tek 2025 jyldyń mamyr aiynyń ózinde el boiynsha 113 myńǵa jýyq jeńil kólik, 8 myń júk kóligi, 1400 avtobýs jáne 5700-ge jýyq ózge de kólik tirkelgen.
