Qazaqstanda endi kredıt adamnyń tabysyna qaraı beriledi, dep habarlaıdy Dalanews.kz "Qarjylyq saýat" arnasyna siltep.
Arna málimetinshe, bankter budan bylaı osyǵan qatty mán bermek.
"Mundaǵy maqsat - halyqty qaryzǵa batyryp jibermeý, moınyna artyq júkteme artpaý. Sebebi keıingi jyldary halyqtyń nesıe alý qarqyny óte joǵary. Sonyń saldarynan adamdar qaryzǵa batyp, ýaqytynda óteı almaı jatyr", - dep jazylǵan derekte.
Eske salaıyq, buǵan deıin nesıesin merziminen buryn japqan qazaqstandyqtar aıyppul tólemeıtini habarlandy.
Bul ózgeris tek jańa kelisimsharttarǵa emes, buryn jasalǵan barlyq shartqa da qoldanylady. Jańa tártip qaryz alýshylarǵa artyq paıyz shyǵynyn qysqartyp, qaryzdy jyldam jabýǵa múmkindik beredi.
