Qazaqstanda eńbek kitapshalaryn tekserý jáne zeinetaqy tólemderin taǵaiyndaý protsesine jasandy intellekt engiziledi. Bul týraly Úkimet otyrysynda Eńbek jáne halyqty áleýmettik qorǵaý ministri Asqarbek Ertaev málimdedi, dep habarlaidy dalanews.kz.
Ministrdiń aitýynsha, jyl sońyna deiin jasandy intellekt tehnologiialary taǵy bes baǵyt boiynsha iske qosylady.
Úshinshi toqsanda jasandy intellekt qandas mártebesin berý, jumysqa joldama rásimdeý jáne meditsinalyq derekterdi taldaý arqyly eńbekke qabilettilikten aiyrylý deńgeiin anyqtaý salalarynda qoldanyla bastaidy. Bul qujattardy qoldan jasaý men jalǵan málimetterdi usyný táýekelderin azaitýǵa múmkindik beredi.
Al tórtinshi toqsanda tsifrlyq modelder skanerlengen eńbek kitapshalaryn tanýdy úirenip, azamattarǵa jasyna bailanysty zeinetaqy tólemderin taǵaiyndaý boiynsha usynymdar qalyptastyrady.
Sonymen qatar el kásiporyndaryndaǵy eńbek qaýipsizdigine qatysty táýekelderdi anyqtaýǵa arnalǵan taldaý júiesin engizý josparlanyp otyr.
Bilik ókilderiniń pikirinshe, jasandy intellektti áleýmettik-eńbek salasyna engizý memlekettik qyzmetterdiń sapasy men jedeldigin arttyryp, sheshim qabyldaý úderisin avtomattandyrýǵa múmkindik beredi.
