Qazaqstanda 2026 jyldyń basyndaǵy málimet boiynsha 0 men 17 jas aralyǵyndaǵy 6,9 mln bala turady. Bul el halqynyń 33,6%-y, dep habarlaidy dalanews.kz.
Ulttyq statistika biýrosynyń dereginshe, balalardyń basym bóligi qalalarda turady – 62,3%. Aýyldyq jerlerdegi balalar úlesi 37,7%-dy quraidy.
Sondai-aq elde ul balalar sany qyzdarǵa qaraǵanda sál kóp. Balalardyń 51,4%-y – uldar, al 48,6%-y – qyzdar.
Eń kóp bala Túrkistan oblysynda
Balalar sany boiynsha kósh basynda Túrkistan oblysy tur. Óńirde 910,4 myń bala turady, bul Qazaqstandaǵy barlyq balalardyń 13,2%-yna teń.
Ekinshi orynda Almaty qalasy – 688,9 myń bala nemese jalpy kórsetkishtiń 10%-y.
Al úzdik úshtikti Almaty oblysy túiindeidi. Bul óńirde 572,3 myń bala turady, bul barlyq balalardyń 8,3%-y.
Bes jylda balalar sany ósti
Statistikaǵa sáikes, keiingi bes jylda Qazaqstandaǵy balalar sany 4,4%-ǵa artqan.
