Qazaqstanda eki jerde jumys isteıtinder esepke alyna ma? Senat dálizinde jýrnalıserdiń saýalyna eńbek jáne halyqty áleýmettik qorǵaý birinshi vıse-mınıstri Asqarbek Ertaev jaýap berdi, dep habarlaıdy Dalanews.kz.

Onyń aıtýynsha, negizgi jáne qysqartylǵan jumys kúnimen eńbek etýge zań tyıym salmaıdy.

"Eger azamat bir jerde tolyq, al ekinshi orynda qysqartylǵan kúnmen eńbek etse, bul zańdy. Qosymsha jumys isteıtinderdiń naqty sanyn biz esepke almaımyz", – dedi ol.

Eńbek kodeksine sáıkes azamat birneshe jerde eńbek ete alady. Alaıda belgili bir shekteýler bar: negizgi jumys ýaqyty 8 saǵattan, qosymsha jumys 4 saǵattan aspaýǵa tıis. Osylaısha jalpy jumys kúni 12 saǵattan artyq bolmaýy kerek.

Al eki orynda da tolyq jumys kúnin atqarýǵa zań boıynsha ruqsat etilmeıdi.