2026 jyldyń qańtar-shilde ailarynda elge 264,7 myń tonna dizel jetkizildi. Importtyń jalpy quny 224,5 mln dollar boldy, dep habarlaidy dalanews.kz.
LS málimetinshe, byltyrǵy sáikes kezeńmen salystyrǵanda syrttan ákelingen dizel kólemi 1,7 ese artqan.
Negizgi jetkizýshi – Resei. Jeti aida bul elden Qazaqstanǵa 258,5 myń tonna dizel otyny importtaldy. Bul ótken jylǵy kórsetkishten 1,7 ese kóp.
Belarýsten jetkizilgen ónim kólemi 60,8 ese ósip, 3,6 myń tonnaǵa jetti. Al Qyrǵyzstannan satyp alý 1,6 ese qysqaryp, 2,4 myń tonnany qurady.
Osy aralyqta avtomobil benzininiń importy, kerisinshe, 4,6 ese azaiyp, 107,8 tonna boldy. Onyń barlyǵy Reseiden jetkizilgen. Sondai-aq Qazaqstan Reseiden 47 tonna aviatsiialyq otyn satyp aldy. Bul byltyrǵydan 3,2 ese az.
Janarmai eksporty tómendedi
2026 jyldyń alǵashqy jeti aiynda Qazaqstan shetelge 59,6 mln dollarǵa 79,1 myń tonna avtomobil otynyn eksporttady. Bul ótken jyldyń sáikes kezeńimen salystyrǵanda 1,8 ese tómen.
Janarmaidyń eń kóp kólemi Ózbekstanǵa jóneltildi. Bul elge 43,7 myń tonna ónim satylǵanymen, kórsetkish bir jylda 1,5 ese azaidy.
Reseige 8,7 myń tonna otyn eksporttaldy. Byltyr qańtar-shilde ailarynda bul baǵytta jetkizilim bolmaǵan.
Aýǵanstanǵa satylǵan ónim kólemi 1,6 ese artyp, 17,9 myń tonnaǵa jetti. Tájikstanǵa jóneltilgen janarmai 3% kóbeiip, 4,5 myń tonnany qurady. Budan bólek, Qazaqstan Ázerbaijan men Grýziiaǵa da benzin jetkize bastaǵan.
Al dizel otynynyń eksporty maýsymaralyq ónimmen shekteldi. Qyrǵyzstanǵa 686,8 myń dollarǵa 1 myń tonna dizel satyldy. Bir jyl buryn mundai jetkizilim bolmaǵan.
