Elimizde burynǵy saǵat beldeýin qaıtarý týraly petısıa 50 myń qol jınady. Endi bul máseleni Saýda jáne ıntegrasıa mınıstrligi qaraýy qajet, dep habarlaıdy Dalanews.kz.
Eske salaıyq, 2024 jyly 29 aqpannan 1 naýryzǵa qaraǵan túni Úkimettiń "Qazaqstan Respýblıkasynyń aýmaǵynda ýaqytty esepteý tártibi týraly" Qaýlysyna sáıkes eldiń búkil aýmaǵy biryńǵaı saǵattyq beldeýge kóshti. Sodan beri Qazaqstannyń 16 oblysy 5 saǵattyq "UTC+5" beldeýinde ornalasty. Alaıda budan keıin saǵat tilin keri jyljytý týraly petısıa paıda boldy.
Buǵan deıin premer-mınıstrdiń orynbasary Serik Jumanǵarın petısıa 50 myń daýys jınaǵanda qandaı sheshim qabyldanatyny týraly saýalǵa jaýap bergen edi.
"Petısıa 50 myń daýys jınasa, biz arnaıy jumys tobyn quryp, belgilengen tártipte memlekettik organdar men sarapshylardy tarta otyryp, ony qaraıtyn bolamyz. Men qazir aldyn ala eshteńe aıta almaımyn. Onyń 50 myń daýys jınaǵanyn kúteıik", - dedi ol.
Aıta keteıik, Qazaqstanda biryńǵaı ýaqyt beldeýine kóshý týraly alǵashqy usynys 2020 jyly jasaldy. Oǵan QR Premer-Mınıstri Álıhan Smaıylov Úkimet qaýlysyna qol qoıdy.
2024 jyldyń 29 aqpanynan 1 naýryzǵa qaraǵan túni jergilikti ýaqyt bir saǵatqa artqa jyljydy.
