Prezident Qasym-Jomart Toqaev Konstitýtsiiany qabyldaýǵa arnalǵan saltanatty jiynǵa qatysty,dep habarlaidy Dalanews.kz.
Memleket basshysy ákimshilik ister boiynsha raqymshylyq jasalatynyn jariialady.
"Ózderińizge málim, byltyr qylmystyq jaýapkershilikke tartylǵandarǵa raqymshylyq jasaldy. Endi azamattar men memlekettiń qaýipsizdigine qater tóndirmeitin birqatar qylmystyq jáne ákimshilik quqyqbuzýshylyq boiynsha taǵy da raqymshylyq jariialaýǵa bolady. Elimizde ákimshilik ister boiynsha raqymshylyq alǵash ret jasalatynyn atap ótkim keledi. Parlament qazirgi sessiianyń sońyna deiin tiisti zań qabyldaýy kerek. Bul – negizgi zańdaǵy adamgershilik idealdary men progressivti qundylyqtardy qoǵamda ornyqtyratyn mańyzdy qadam", - dedi Toqaev.
Qasym-Jomart Toqaevtyń aitýynsha, Jańa Konstitýtsiia – halqymyzdyń yntymaq-birliginiń jarqyn simvoly.
"Onyń baptarynda árbir qazaqstandyqtyń armany men ańsary, urpaǵynyń baiandy bolashaǵyna degen úmiti men senimi kórinis tapqan. Ata zań barsha azamattyń – Otanymyzdyń shynaiy patriottarynyń basty baǵdaryna ainalady. Qazaqstannyń jańa Konstitýtsiiasy – álemdik órkeniettiń biigine bet alǵan ultymyzdyń berik ári myzǵymas tuǵyry. Buǵan eshqandai kúmánim joq. Sizderdiń de shúbálaryńyz bolmaidy dep oilaimyn", - dedi Memleket basshysy.
