Qazaqstanda memlekettik bilim berý granttary konkýrsyna qatysý úshin 127 myńǵa jýyq talapker ótinish tapsyrdy, dep habarlaidy dalanews.kz.
Ǵylym jáne joǵary bilim salasyndaǵy málimetke sáikes, biyl bakalavriatta bilim alýǵa 75 myńnan astam grant bólingen. Onyń shamamen 60 paiyzy injenerlik, óńdeý jáne qurylys salalaryna, al taǵy 20 paiyzy pedagogikalyq mamandyqtarǵa baǵyttalǵan.
Biyl grant konkýrsyna ótken jylmen salystyrǵanda 14 myńǵa kóp ótinish qabyldandy. Ótken jyly konkýrsqa 113 myń talapker qatysýǵa ótinish bergen bolatyn. Eń kóp ótinish injenerlik, pedagogikalyq jáne IT baǵyttaryna túsken.
Al bir grantqa shaqqandaǵy eń joǵary báseke zańger, diplomat, aýdarmashy jáne psiholog mamandyqtary boiynsha kútilip otyr.
Memlekettik bilim berý granttarynyń iegerleri 10 tamyzǵa deiin jariialanady. Al joǵary oqý oryndaryna qabyldaý 25 tamyzda aiaqtalady.
