Qazaqstanda memlekettik jalpyǵa mindetti bilim berý standarty jańartylyp, Jańa Konstitýtsiianyń qaǵidattaryna sáikestendirildi, dep habarlaidy dalanews.kz.
Jańartylǵan standartqa Konstitýtsiianyń negizgi qaǵidattary, «Adal azamat» biryńǵai tárbie baǵdarlamasynyń qundylyqtary, «Taza Qazaqstan» tujyrymdamasy jáne «Zań men tártip» qaǵidaty júieli túrde engizildi.
Sonymen qatar bilim alýshylardyń jasandy intellekt pen tsifrlyq resýrstardy tiimdi, qaýipsiz jáne jaýapkershilikpen paidalaný quzyretterin qalyptastyrýǵa erekshe nazar aýdarylǵan.
Jańartylǵan standartta Konstitýtsiia negizderin, azamattardyń quqyqtary men mindetterin túsiný, memlekettik rámizderdiń mańyzyn bilý, memlekettik tildi qurmetteý jáne zań ústemdigi qaǵidatyn saqtaý jónindegi talaptar da kúsheitildi.
Qujatty sapaly engizý maqsatynda respýblikalyq jáne óńirlik deńgeilerde aqparattyq-túsindirý jumystary júrgiziledi.
Ministrlik málimetinshe, engizilgen ózgerister bilim berý sapasyn arttyrýǵa, oqýshylardyń zamanaýi quzyretterin damytýǵa jáne bilim berý júiesin Jańa Konstitýtsiia qaǵidattaryna sáikes odan ári jetildirýge baǵyttalǵan.
