Qazaqstanda benzin sapasyna qatysty zańbuzýshylyqtar anyqtaldy, dep habarlaidy dalanews.kz.
Tehnikalyq retteý jáne metrologiia komiteti biyl sapa talaptaryna sai kelmegen janarmai partiialaryn satýǵa tyiym salynǵanyn málimdedi. Jalpy quny 5,76 million teńge bolatyn otyn satylymnan alynǵan. Baqylaý maqsatynda 22 úlgi iriktelip, zańbuzýshylyqtar úsh óńirden anyqtalǵan.
Almatyda AI-100 benzininiń oktan sany 100 bolýy kerek bolsa, 99 bolǵan. Sonymen qatar, otyndaǵy kúkirt mólsheri belgilengen normadan 3,3 ese joǵary shyqqan.
Qyzylorda oblysynda AI-95 benzininiń oktan sany 92 bolǵan. Jetisý oblysynda AI-92 benzinindegi kúkirt mólsheri 105 mg/kg-ǵa jetken. Norma boiynsha bul kórsetkish 50 mg/kg-nan aspaýy kerek. Osy zańbuzýshylyq úshin shamamen 843 myń teńge aiyppul salynǵan.
