Qazaqstanda 2019 jyldyń sońynda oryn alǵan Bek Air áýe apatyna qatysty tergeý qaıta júrgiziledi. Bul týraly kólik mınıstri Nurlan Saýranbaev málimdedi, dep habarlaıdy Dalanews.kz.
Mınıstrdiń aıtýynsha, atalǵan ushaq apatyna qatysty tergeý jumystary qaıta jandanbaq.
"Ókinishke qaraı, avıasıada mundaı oqıǵalar jıi bolyp turady jáne túpkilikti sheshimge kelý óte qıynǵa soǵady. Avıasıalyq apattar, ókinishke qaraı, uzaq ýaqyt qaralady. Qazir barlyq qujattar daıyndalyp jatyr", – dedi Saýranbaev.
Eske sala keteıik, buǵan deıin, 2024 jyldyń jeltoqsanynda eks-mınıstr Marat Qarabaev ta bul is boıynsha tergeý qaıta bastalýy múmkin ekenin aıtqan edi.
Bek Air áýe apaty 2019 jylǵy 27 jeltoqsanda bolǵan. Almatydan Nur-Sultanǵa (qazirgi Astana) baǵyt alǵan ushaq áýege kóterilgennen keıin birden bıiktigin joǵaltyp, áýejaı mańyndaǵy qorshaýdy buzyp ótip, eki qabatty kotejge soǵylǵan. Ushaqta 93 jolaýshy men 5 ekıpaj múshesi bolǵan. Apat saldarynan 12 adam qaza tapqan.
