Ulttyq bank bazalyq mólsherlemeni 18%-ǵa deiin kóterdi, dep habarlaidy Dalanews.kz.
Ulttyq banktiń Aqsha-kredit saiasaty jónindegi komiteti bazalyq mólsherlemeni jyldyq 18,00% deńgeiinde belgiledi. Paiyzdyq dáliz - +/- 1,0 p.t.
Ulttyq bank ókilderi muny infliatsiiany tejeý qadamy retinde túsindirdi. Ótken aida jyldyq infliatsiia 12,9%-ǵa jetken.
"Infliatsiia kúsheiýine, suranys usynystan asyp túsýine bailanysty infliatsiia dinamikasyn turaqtandyryp, baǵa baqylaýdan shyǵýyna jol bermeý úshin sheshim qabyldaýǵa týra keldi", - dedi Ulttyq bank ókilderi.
Buǵan deiin bazalyq mólsherleme 16,5 % bolǵan edi.
Bazalyq mólsherleme degenimiz ne jáne ol nelikten mańyzdy?
Bazalyq mólsherleme – Ulttyq bank belgileitin negizgi paiyzdyq kórsetkish. Ol arqyly bank sektorynyń jalpy baǵyty aiqyndalyp, eldegi nesie men infliatsiia deńgeiine áser etedi. Bul kórsetkish boiynsha Ulttyq bank kommertsiialyq uiymdarǵa qysqa merzimdi nesie beredi jáne olardyń qarajatyn depozit retinde qabyldaidy.
Qarapaiym tilmen aitqanda, bazalyq mólsherleme – el ekonomikasynyń "baǵdarshamy". Eger ony kóterse, nesie alý qymbattaidy, al túsirse kerisinshe arzan nesie alý múmkindigi artady. Osylaisha, Ulttyq bank osy tetik arqyly aqsha ainalymyn rettep, baǵa turaqtylyǵyn saqtaýǵa tyrysady.
