«Qazaqstan balalary» tujyrymdamasy bilim berý uiymdarynda balalardyń qaýipsizdigin baqylaý maqsatynda jasandy intellekt tehnologiialaryn kezeń-kezeńimen engizýdi kózdeidi. Yqtimal qaýipter anyqtalǵan jaǵdaida, jaýapty qyzmetterge jedel túrde habar berilip, balany qorǵaý úshin qajetti sharalar qabyldanady, dep habarlaidy Dalanews.kz
Sonymen qatar balalardyń, ata-analardyń jáne pedagogterdiń tsifrlyq saýattylyǵyn arttyrý, balalardyń internetke qoljetimdiligin retteý, onyń ishinde túngi ýaqytta paidalanýyn shekteý sharalary qarastyrylǵan. Bul bastamalar balalardy ziiandy kontentten, kiber qaýipterden jáne tsifrlyq gigienany buzýdan qorǵaýdy kúsheitýge baǵyttalǵan.
Balalardyń densaýlyǵy men damýyna ziian keltiretin aqparattan qorǵaý salasyndaǵy zańnama jańartylyp, tsifrlyq qaýipterdiń aldyn alý tiimdiligin arttyrý jáne qabyldanatyn sharalardyń júieliligin qamtamasyz etý kózdeledi.
