Almaty qalasy PD kriminaldy politsiia basqarmasy UQKD qyzmetkerlerimen birlesip, halyqaralyq áýejai aýmaǵynda jedel izdestirý sharalaryn júrgizdi. Nátijesinde áýejaida isteitin 29 jastaǵy áiel men 28 jastaǵy er adam ustaldy, dep habarlaidy Polisia.kz.
Kúdiktiler shetelge ushatyn azamattarǵa koronavirýs juqtyrmaǵany týraly jalǵan PTR-test satqan. Barlyǵy 15-20 anyqtama satylǵan.
Ustalǵandar PTR-testi uialy telefondaǵy qosymsha arqyly ózderi jasaǵan.
Olar klienttiń anketalyq derekteri men anyqtama datasyn ózgertken. Al jolaýshylardy ushaq bortyna ótkizýge áýe kompaniiasynyń ókilderi kómektesken. Túsken aqshany ózara bólip alǵan.
"Qazir jedel tergeý sharalary júrgizilip jatyr. Ustalǵandardyń osyǵan uqsas basqa qylmystarǵa qatysy bar-joǵy anyqtalýda", - dep málimdedi vedomstvo.
Tiisti saraptamalar taǵaiyndaldy.
"Satýshylar" ýaqytsha ustaý izoliatoryna qamaldy.
