Ujymdyq qaýipsizdik týraly shart uiymynyń (UQShU) oqý-jattyǵýlary 2026 jyly birneshe múshe memlekettiń aýmaǵynda, sonyń ishinde Qazaqstanda ótedi, dep habarlaidy Dalanews.kz
Málimetti uiymnyń Birikken shtabynyń bastyǵy, general-polkovnik Andrei Serdiýkov brifing barysynda jariia etti.
Onyń aitýynsha, 2026 jyly birlesken jáne jedel daiarlyq jospary aiasynda barlyǵy 60 is-shara uiymdastyrý kózdelgen. Onyń ishinde segizi — komandalyq-shtabtyq jáne arnaiy oqý-jattyǵýlar.
Qyrkúiek aiynda Qazaqstan aýmaǵynda Ortalyq Aziia óńiriniń jedel óristetý ujymdyq kúshteriniń qatysýymen «Rýbej» birlesken oqý-jattyǵýy ótedi. Al qyrkúiek-qazan ailarynda Reseide Ujymdyq jedel áreket etý kúshteriniń qatysýymen «Ózara is-qimyl» komandalyq-shtabtyq jattyǵýy, «Izdeý» arnaiy barlaý oqý-jattyǵýy jáne materialdyq-tehnikalyq qamtamasyz etýge baǵyttalǵan «Eshelon» jattyǵýy uiymdastyrylady.
Qazan aiynda Tájikstan aýmaǵynda «Kobalt» jáne «Skala» arnaiy oqý-jattyǵýlary josparlanǵan.
Jattyǵýlarǵa Terrorizmge qarsy ortalyq, TMD Shekara áskerleri qolbasshylary keńesi úilestirý qyzmeti jáne UQShU Parlamenttik Assambleiasy hatshylyǵynyń ókilderi baiqaýshy retinde qatysady.
Uiym ókilderiniń málimdeýinshe, strategiialyq jattyǵýlar barysynda pysyqtalǵan qujattar aldaǵy birlesken oqý-jattyǵýlardy josparlaýǵa negiz bolmaq.
