Densaýlyq saqtaý ministrliginiń málimetinshe, 5 pen 9 jas aralyǵyndaǵy balalardyń 23,2%-ynda artyq dene salmaǵy anyqtalǵan, dep habarlaidy dalanews.kz.
Mamandar bul máseleni fastfýd pen tátti sýsyndardy júieli túrde tutynýmen bailanystyrady: jasóspirimderdiń úshten ekisinen astamy gazdalǵan sýsyndardy turaqty ishedi, al ár tórtinshi bala táttilerdi kún saiyn jeidi.
Munyń saldary qazirdiń ózinde baiqalyp otyr – 2-tipti qant diabeti jaǵdailary kóbeiip, stomatologiialyq densaýlyq kórsetkishteri nasharlaýda. Tek 2025 jyldyń ózinde balalar arasynda kariestiń 110 myńnan astam jaǵdaiy tirkelgen.
Sarapshylar quramynda qant, tuz jáne mai mólsheri joǵary ónimderdi jarnamalaýdy mektepter men saýda jelilerinde ǵana emes, tsifrlyq ortada da shekteýge shaqyrady. Mysal retinde Ulybritaniianyń tájiribesi keltiriledi. Bul elde ziiandy taǵamdardyń jarnamasy telearnalarda shektelgen, al internette tolyqtai tyiym salynǵan. Qazaqstanda da Prezident fastfýdtyń agressivti jarnamasyn shekteý qajet ekenin aityp júr.
