1 aqpannan bastap qazaqstandyqtardy qandaı ózgerister kútip tur? Dalanews redaksıasy mańyzdy ózgerister men negizgi oqıǵalardy jınaqtap kórdi.

Bilim berý uıymdary – mektepter men balabaqshalarda tosynnan tekserý bastalady. Negizgi nazar balalardyń qaýipsizdigine, tamaqtanýyna jáne sanıtarlyq talaptarǵa aýdarylady.

Órt qaýipsizdigi – jańa nysandardy qoldanysqa berý talaptary qatańdaıdy. Adamdar kóp shoǵyrlanatyn jáne bıik ǵımarattar órt qaýipsizdigi qyzmetiniń qorytyndysy bolmasa iske qosylmaıdy.

Ulttyq qor – balalarǵa – balalardyń jeke esepshottaryna qarajat aýdaryla bastaıdy. Bul qarajat bolashaqta bilim alý men turǵyn úıge jumsalýy múmkin.

Memlekettik satyp alý – QQS úshin sıfrlyq teńge pılottyq rejımde qoldanylady. Jańa júıe qarjy qozǵalysynyń ashyqtyǵyn arttyryp, salyqty baqylaýdy jeńildetedi.

Azamattyq alý – QR azamattyǵyna úmitkerler qazaq tili, Konstıtýsıa negizderi jáne Qazaqstan tarıhy boıynsha test tapsyrady. Testileý aqpan aıynda ótkiziledi.

Syra ónimderi – bótelke men bóshkedegi syraǵa mindetti tańbalaý engiziledi. Bul kontrafakt ónimdermen kúresýge jáne tutynýshylardy qorǵaýǵa baǵyttalǵan.

EAEO júk tasymaly – taýar qozǵalysy navıgasıalyq plombalar arqyly onlaın baqylanady. Jańa tásil tranzıttegi ashyqtyqty arttyrady.

Oraza aıy – 19 aqpanda bastalyp, 19 naýryzǵa deıin jalǵasady. Qadir túni naýryz aıynyń ortasyna sáıkes keledi.

Qysqy Olımpıada – 6–22 aqpan aralyǵynda Italıada ótedi. Qazaqstan atynan 36 sportshy el namysyn qorǵaıdy.