Senat depýtaty Gennadıı Shıpovskıh áleýmettik jelilerdegi jarnamany qatańdatý qajet ekenin málimdedi.

Onyń aıtýynsha, onlaın platformalar arqyly esirtki, kazıno jáne basqa da zańsyz qubylystarǵa qatysty kontent taraıdy.

Gennadıı Shıpovskıh agressıvti jarnamanyń, sonyń ishinde blogerler men ınflúenserler arqyly júrgiziletin jarnama azamattarǵa tikeleı áser etip, qarjylyq pıramıdalar men zańsyz jobalardyń artýyna sebep bolatynyn atap ótti. Osy maqsatta ol mundaı jarnamalardy buǵattaýdy usyndy.

Eske salaıyq, buǵan deıin Qarjylyq monıtorıń agenttigi bloger Qaısar Qamzaǵa halyqaralyq izdeý jarıalady. Ol zańsyz oıyn bıznesine járdemdesti degen kúdikke ilingen.