Қазақстанда әлеуметтік желілердегі қауіпті жарнамаларды бұғаттау ұсынылды, деп хабарлайды Dalanews.kz.
Сенат депутаты Геннадий Шиповских әлеуметтік желілердегі жарнаманы қатаңдату қажет екенін мәлімдеді.
Оның айтуынша, онлайн платформалар арқылы есірткі, казино және басқа да заңсыз құбылыстарға қатысты контент тарайды.
Геннадий Шиповских агрессивті жарнаманың, соның ішінде блогерлер мен инфлюенсерлер арқылы жүргізілетін жарнама азаматтарға тікелей әсер етіп, қаржылық пирамидалар мен заңсыз жобалардың артуына себеп болатынын атап өтті. Осы мақсатта ол мұндай жарнамаларды бұғаттауды ұсынды.
Еске салайық, бұған дейін Қаржылық мониторинг агенттігі блогер Қайсар Қамзаға халықаралық іздеу жариялады. Ол заңсыз ойын бизнесіне жәрдемдесті деген күдікке ілінген.
