Qazaqstanda aǵza transplantatsiiasynan keiin naýqastardyń ómir súrý kórsetkishi joǵary deńgeide qalyp otyr. Bul týraly Densaýlyq saqtaý ministrligi málimdedi, dep habarlaidy Dalanews.kz.
Aqparat "Bir sheshimniń kúshi" atty forýmda jariia etildi. Shara Eýropalyq donorlyq pen aǵza transplantatsiiasy kúnine orai ótti.
Búginde elimizde 4300-den astam adam, onyń ishinde 121 bala aǵza aýystyrýǵa zárý. Jyl saiyn shamamen 200-300 patsientke ǵana operatsiia jasalady.
"Ómir súrý kórsetkishteri aldyńǵy qatarly álemdik klinikalardyń nátijelerimen teń: búirek transplantatsiiasynda – 95-97%, baýyrda – 85%, júrekte – 86%", – delingen ministrlik habarlamasynda.
Qazaqstanda júrekke alǵashqy transplantatsiia 2012 jyly jasalǵan. Sodan beri otandyq dárigerler baýyr, búirek, júrek, kózdiń qasań qabyǵyn aýystyrýdy meńgerdi. 2015 jyldan bastap ókpe transplantatsiiasy da jasalady. Bir donordyń ózi jeti adamnyń ómirin qutqara alady.
"Aldaǵy ýaqytta balalarǵa júrek pen baýyr transplantatsiiasyn, sondai-aq keshendi aǵza aýystyrý operatsiialaryn júrgizý josparlanyp otyr", – dedi ministrlik ókilderi.
Sonymen qatar elde donorlyq aǵzalardyń tapshylyǵy baiqalady, al ólimnen keiingi donorlyq deńgeii áli de tómen.
