Qazaqstanda jańa «Ádilet» saiasi partiiasy resmi túrde memlekettik tirkeýden ótti, dep habarlaidy dalanews.kz.
Partiianyń baspasóz qyzmetiniń málimetinshe, 2026 jylǵy 1 maýsymda Ádilet ministrligi qoldanystaǵy zańnamaǵa sáikes «Ádilet» saiasi partiiasyn tirkegen.
Partiia quramyna munai servisi jáne taý-ken metallýrgiiasy salalarynyń qyzmetkerleri, shahterler, sondai-aq sport, bilim, densaýlyq saqtaý, ǵylym, kásipkerlik, IT, zań jáne kreativti indýstriia ókilderi engen.
Partiia baǵdarlamasy ádilettilik, jaýapkershilik, teń quqyqtylyq, patriotizm jáne progress qaǵidattaryna negizdelgen. Negizgi basymdyqtar qatarynda zańdylyq pen quqyqtyq tártipti nyǵaitý, tiimdi institýttardy damytý, óńirlerdi qoldaý, tsifrlandyrýdy jedeldetý, adami kapitaldy damytý jáne básekege qabiletti ekonomikany qalyptastyrý bar.
Partiia ókilderiniń aitýynsha, «Ádilet» óz qyzmetin kásibi kózqarasqa, qoǵamdyq dialogqa jáne jaýapty qoǵamdyq kún tártibine súiene otyryp, ádiletti, zamanaýi ári básekege qabiletti Qazaqstandy damytýǵa qosylatyn úles retinde qarastyrady.
Aldaǵy ýaqytta partiia óńirlerdegi jumysyn bastap, uiymdyq qurylymyn qalyptastyrýdy jalǵastyrmaq.
Eske salaiyq, buǵan deiin, 7 mamyrda burynǵy Prezident Ákimshiligi basshysynyń orynbasary Aibek Dádebaidyń jańa «Ádilet» partiiasyn basqarǵany habarlanǵan bolatyn.
