2026 jylǵy 1 maýsymdaǵy jaǵdai boiynsha Qazaqstannyń mansap ortalyqtary 200,4 myń azamatty jumyspen qamtydy. Bul týraly Eńbek jáne halyqty áleýmettik qorǵaý ministrligi habarlady, dep habarlaidy dalanews.kz.
Jumysqa ornalasqandardyń qatarynda 75 myń jas jáne 81 myń áiel bar. Biyl elde 40,4 myń jańa jumys ornyn qurý josparlanǵan. Qazirgi tańda sonyń shamamen 8 myńy ashylǵan.
Sondai-aq mansap ortalyqtarynyń qyzmetimen 17,4 myń múgedektigi bar azamat qamtyldy. Onyń ishinde 6,4 myńy jumysqa ornalastyrylsa, 3,8 myńnan astamy Skills Enbek platformasynda oqýdan ótken. Jyl basynan beri 170,6 myń adam kásiptik baǵdar berý qyzmetin alǵan. Olardyń 138 myńy – jumys izdeýshiler.
Eńbek naryǵyn damytýdyń 2024–2029 jyldarǵa arnalǵan tujyrymdamasyna sáikes, 2029 jylǵa qarai sapaly jumys oryndarynyń úlesin 45 paiyzǵa deiin jetkizý kózdelgen.
