Bul týraly, búgin Memleket basshysy Qasym-Jomart Toqaev pen elimizge saparlap kelgen Bolgariia Prezidenti Rýmen Radevpen bolǵan kelissózder barysynda belgili boldy, dep habarlaidy Dalanews.kz.
"Bolgariia – Qazaqstannyń Eýropadaǵy eń mańyzdy seriktesteriniń biri. Eki eldi tamyry tereń saiasi jáne ekonomikalyq yntymaqtastyq bailanystyrady. Ártúrli saladaǵy ekijaqty qarym-qatynastarymyz turaqty damyp keledi. Muny senimdi saiasi dialogtan, parlamentter arasyndaǵy nátijeli yqpaldastyqtan, saýda men investitsiianyń qarqyndy ósýinen, halyqtarymyzdyń bailanysy men álemdik qoǵamdastyqtaǵy ózara qoldaýdan anyq ańǵarýǵa bolady. Ekijaqty saýda ainalymynyń artyp kele jatqany qýantady. Bul jaqsy úrdis. Bizdiń naryqta 60-qa jýyq bolgar kompaniiasy tabysty jumys istep jatyr. Qazirgi ýaqytta biz taý-ken ónerkásibi, óndiris, kólik jáne qurylys salalarynda jemisti yntymaqtastyq ornattyq. Energetika, transport jáne logistika, jasyl energiia, atom ónerkásibi, ǵarysh, aýyl sharýashylyǵy, tsifrlandyrý, densaýlyq saqtaý, týrizm sekildi perspektivti salalar boiynsha yqpaldastyqtyń áleýeti zor", – dedi Qazaqstan Prezidenti.
Óz kezeginde Rýmen Radev Bolgariia eki el arasyndaǵy dástúrli ári tabysty bailanysty joǵary baǵalaitynyn jetkizdi.
"Memleketińizdi órkendetýge baǵyttalǵan aýqymdy reformalaryńyz ben kóregen saiasatyńyzdy qoldaimyn. Biz Qazaqstandy Ortalyq Aziiadaǵy basty seriktesimiz sanaimyz. Sizderdiń osyǵan deiingi tabystaryńyz tańǵalarlyq: ekonomikalaryńyz qarqyndy ósip keledi, innovatsiia, ǵylym, bilim, joǵary tehnologiia salalarynda zor tabysqa jettińizder. Keshe men Ǵarysh ortalyǵyn aralap kórdim. Sizderdiń jetistikterińizden jaqsy áser aldym", – dedi Bolgariia Prezidenti.
