"Ystyǵy kóterilgen jurttyń bárinen synama almaimyz, 6 qańtardan bastap Qytaidan oralǵan azamattar ǵana tekserýden ótýde.
Búginge deiin ystyǵy kóterilgen ári tumaý juqtyrǵan 66 adamdy aýrýhana jetkizip, oqshaý bólmelerge ornalastyrdyq.
25-i saýyǵyp shyqty. Kúdikti degenderdiń barlyǵynan qan alyp, Almatydaǵy qaýipti infektsiialar ortalyǵyna jónelttik. Ol arada koronavirýsty anyqtaityn ádisteme bar", – dedi eldiń bas infektsionisi Dinagúl Baesheva.
Keshe koronavirýs juqtyrdy degen kúdikpen 38 adam aýrýhanaǵa jetkizilgen. 29 qańtarda Qytaidan kelgen 35 azamattyń aýrýhanaǵa túskeni habarlanǵan edi.
Budan buryn Densaýlyq saqtaý ministri Eljan Birtanov halyqqa ún qatyp, qaýipti indetke qatysty qaýeset taratpaýdy suraǵan.
"Budan bólek dárihanalarda betperde baǵasynyń nelikten sharyqtap ketkenin anyqtaityn bolamyz", – deidi Birtanov.
Elimizdiń birqatar óńirleri, onyń ishinde Nur-Sultanda betperde tapshy ekenin qala turǵyndary áleýmettik jelide jarysa jazýda.
