Elimizde 8 myńǵa jýyq mektepte jańa oqý jyly bastaldy. Biyl 380 myńnan astam bala alǵash ret mektep tabaldyryǵyn attady. Qazaqstan mektepterinde barlyǵy 4,1 millionǵa jýyq oqýshy bilim alady, dep habarlaidy dalanews.kz.
Biyl oqý tártibine birqatar ózgeris engizildi. 2–4-synyptarda burynǵy bólimdik jáne toqsandyq jiyntyq baǵalaý bolmaidy. Onyń ornyna oqýshylar ár taqyryptyq bólimdi aiaqtaǵannan keiin bilimin tekserýge arnalǵan tapsyrma oryndaidy.
5–7-synyp oqýshylary "Konstitýtsiia negizderi" pánin oqidy. Al 8–11-synyptarǵa "Zań jáne tártip" sabaǵy engizildi. Sonymen qatar 5–11-synyptarda balalarǵa tótenshe jaǵdailarda jáne kúndelikti ómirde ózin qalai qorǵaý keregi úiretiledi.
Birinshi synypqa barǵan balalardyń mektepke birtindep úirenýi úshin arnaiy beiimdelý ýaqyty qarastyrylǵan. Olarǵa túsetin oqý júktemesi de jeńildetildi.
Oqýshylar men ata-analar muǵalimderge gúl syilai alady. Alaida eshkimdi gúl ákelýge mindetteýge bolmaidy.
