Energetika ministri Erlan Aqkenjenovtiń tóraǵalyǵymen Qashaǵan ken ornynda qýattylyǵy jylyna 2,5 mlrd tekshe metr gaz óńdeý zaýytyn salý jobasyn iske asyrý máseleleri boiynsha keńes ótti. Aita ketý kerek, qazirgi ýaqytta Qashaǵan ken ornynda qýattylyǵy jylyna 1 mlrd tekshe metr bolatyn gaz óńdeý zaýytynyń qurylysy qarqyndy júrgizilýde, dep habarlaidy dalanews.kz.
Keńeske «QazaqGaz» UK» AQ, «PSA» JShS, NCOC kompaniiasy aktsionerleriniń basshylyǵy, sondai-aq jobany iske asyrýǵa qatysatyn ózge de múddeli uiymdardyń ókilderi qatysty.
Energetika ministri Erlan Aqkenjenov Qashaǵandaǵy qýattylyǵy 2,5 mlrd tekshe metr bolatyn gaz óńdeý zaýytyn salý jobasy naqty iske asyrý kezeńine ótkenin atap ótti.
Keńes barysynda jobanyń aǵymdaǵy jai-kúii, múddeli taraptar arasyndaǵy úilestirý máseleleri, sondai-aq nysandy belgilengen merzimde paidalanýǵa berýdi qamtamasyz etýge baǵyttalǵan sharalar talqylandy.
Ministr gaz óńdeý zaýytyn salý jobasynyń elimizdiń gaz salasyn damytý úshin strategiialyq mańyzǵa ie ekenin jáne Memleket basshysy men Úkimettiń erekshe baqylaýynda turǵanyn atap ótti. Sonymen qatar, Úkimettiń qaýlysymen jobanyń EPC-merdigeri retinde China National Chemical Engineering Sixth Construction Company Kazakhstan Branch jáne China Wuhuan Engineering Corporation Ltd kompaniialarynan quralǵan konsortsiým aiqyndalǵany atap ótildi.
Keńes qorytyndysy boiynsha Erlan Aqkenjenov jobaǵa qatysýshy barlyq taraptarǵa jumystardy tiimdi úilestirýdi jáne jobany iske asyrý merzimderin saqtaý úshin syndarly ózara is-qimyldy qamtamasyz etýdi tapsyrdy.
Sondai-aq «QazaqGaz» UK» AQ-na jobany iske asyrý barysy, qabyldanyp jatqan sharalar jáne týyndaǵan máseleler týraly aqparatty jedel túrde sheshýge yqpal etý maqsatynda Qazaqstan Respýblikasy Energetika ministrligine ai saiyn usynyp otyrý tapsyryldy.
